Aquesta pàgina ha estat validada.
ab lo tival
non sabs ren, ni del gran baston,
ni de Marcueill
con perdet l' oill
á la porta d' un aguillon,
ni de Bramar
non sabs chantar,
de l' auca ni d' En Auruzon;
ni del vilan
ni de Tristan
c' amaba Icent a lairon,
ni de Gualvaing
qui ses compaing
fazia tanta venaison,
ni d' Aldaer
ni de Rainer
ni d' Eranberg ab lo furguon;
ni de Rainier
ni de Folquier
ni del bon vassall Aubion;
de Lionás
ja non sabrás
ni de Tebas ni de Caton
de Nersisec
d' Arumalec
ni de Calcan lo rei felon,
de Fideús
ni de Formús
que sofrí tanta passion,
del cavalier
ni del liurer
que sus en la garda mort fon;
