Aquesta pàgina ha estat validada.
al amirat
per gran pechat
et al bon rei Marselion.
Del Saine cuit
c' ajas perdut
et oblidat los motz e 'l son.
Ren non dizetz
ni non sabetz;
però no i ha meillor chanson.
E de Rotlan
Sabs atretan
coma d' aisó que anc non fon.
Conte d' Arjús
non sabes plus
ni del reprojer de Marcon
ni sabs d' Ajolz
com anet solz
ni de Marchari lo felon;
ni d' Aufelis
ni d' Anseís
ni de Guillermes lo baron.
De Florisen
non sabs nien
ni de las ganas de Milon;
del Loerenc
non sabs co venc
Ni sabs d' Erec
com conquistec
l' esparvier for de sa rejon.
Ni sabs d' Amic
com si guaric
