Lo llibre dels poetas/Guillem de Mur
| ← Ramon Llull | Guillem de Mur Lo llibre dels poetas |
Oliver lo Templari → |
GUILLEM DE MUR.
D' un sirventés far me sia Dieus guitz
quar comensat l' ay per bona razó,
quar lo sanch bers on Dieus fou sebelhitz
vólon liurar aissilh qui de lay so,
e sia certz quals que s' en entremeta
e n' intra en mar en bona ensió
que Jhesum Crist en tan luec los meta
en paradis, quon li siey mártir so.
Per quascús gart quon irá garnitz;
quar Dieus no vol qu' ab l' autruy garnizó,
de qu' autre á tots sia despossezizts,
lai pas nulh hom ses satisfactíó.
per qu' iéu non cre qu' a 'ital home prometa
Dieu son regne, ni que s' amor li do,
si ben lai vay ab arc ni ab sageta
qu' el sout que pren cobra son gazardó.
Non cre sia per Dieu gent aculhit
riexs hom que pas ab l' autrui messió
ni selh qu' a tort n' a los sieus descauzitz
ni fai raubar per aquelh' ochaizó,
quar Dieus sap tot que porta en sa maleta,
e s' ab tortz vay, trabalha s' en perdó,
quar Dieus vol cor fin ab volontat neta
d' ome que pas mais per lui que per dó.
L' archivesque prec de cui es Toleta
qu' amoneste lo bon rey d' Aragó
que per complir son vot en mar se meta
e per tener en pes són bon ressó.
- ALTRAS OBRAS D' EST POETA,
- I. Guilhem de Mur, que cuia far.
- II. Giraut Riquier, segon vostr essien.
- III. Guilhem de Mur, chausetz d' esta partid.